كيس من تراب الوطن رافقني في منفاي كنت افتحه اقبله واسجد عليه بين الحينة والاخرى

 و في لحظة صحو او جنون او نفاذ من الصبر لبعدي عن وطني وشوقي ولهفتي لبيتٍ

يضمني في احضانه لاادري ايقنت ان هذا الكيس البائس لايمثل وطني فاطعمتهُ للريح

وعاتبت وطني البعيد

 ردتك وطن ياوطن ¤¤¤ ماردت حفنه اتراب

 ارضاك بس لو حلم ¤¤¤ وافرش جفوني اعتاب

 واعبر ضفاف الصبر ¤¤¤ نتلا كه ملكه احباب

 تلمنه ابدفو طيبتك ¤¤¤ وتنشد على الغيّاب

 مشونه فوك الجمر ¤¤¤ بس ياهو منك تاب

 ردتك وطن ياوطن ¤¤¤ ماردت جيس اتراب

 -------

 ردتك علي وكبته ¤¤¤ دجله وفرات وزاد

 ردتك هلي ونخلتي ¤¤¤ لمّه وسمر واصحاب

 ردتك مضايف كرم ¤¤¤ وجلمة هلا عالباب

 بيه الك مية جرح ¤¤¤ والمنفى رش تيزاب

 وك ياوطن ياوطن ¤¤¤ ماريد حفنه اتراب

 ----------------

ردتك وطن ياوطن ¤¤¤ ماريد بس تذكار

 انطيني لمسة امل ¤¤¤ وانطيك كومة اشعار

 متهون أشوفك تون وتتلفت ومحتار

 والكه اسمك بكل حلك وتتصدر الاخبار

 موقد حرايك صرت موت ودمار ونار

 وتحاشمت من طحت شمات وي تجار

 وك ردتك وطن ياوطــــن مو شقق للايجار مو شقق للايجار